Աշխարհահռչակ People ամսագրի ուսումնասիրությամբ, համավարակային այս ամիսներին մարդիկ սկսել են ավելի հաճախ կանգնել հայելու առաջ:
Սթրեսային իրավիճակից խուսափելու լավագույն միջոցներից մեկն էլ արտաքին տեսքի փոփոխությունն է:
Հոգեբանների պնդմամբ, վերջին երկու ամիսների ընթացքում սեփական իմիջի փոփոխությանը դիմած մարդկանց թիվն ավելացել է 40%-ով:
Այսօրվա մեր հերոսները նույնպես հետ չեն մնացել արդի միտումներից: Համաշխարհային ֆուտբոլի այս աստղերը կարծես նստել են ժամանակի մեքենան և տեղափոխվել ՝ 10-15 տարի առաջ:
Դժվար է ասել ՝ արդյո՞ք կորոնավիրուսն էր այսպիսի համակցված փոփոխությունների առիթը, թե՞ սա + 30-ի շեմը վաղուց հաղթահարած տղամարդկանց բնական ցանկությունն էր՝ տրվել նոստալգիային և ավելի երիտասարդ թվալ:
Այս հարցերի պատասխանները թողնում ենք ձեզ, սակայն, մեկ բան հստակ է. նույնիսկ իմիջի փոփոխության հարցում ականատես ենք լինում այս երկուսի միջև առկա անտոգոնիզմին:
Այստեղ հակադրված են ՝ շքեղությունը և պարզությունը, ռոքը և ջազը, փոթորիկը և բրիզը:
Բանն այն չէ, թե նրանից ում եք երկրպագում: Հավատացեք, մեզ վրա սլացող քամուն առանձնապես չի հետաքրքրում, թե ինչ ենք մտածում իր մասին:
Նա ունի իր ճանապարհը. մնում է երախտապարտ լինել, որ նրանց հայելիների արտացոլանքը մեզ շրջապատում է թե՛ խաղադաշտում, թե՛ դրանից դուրս:
