UFC-ի թեթև քաշային կարգի չեմպիոն Խաբիբ Նուրմագոմեդովայի մենեջեր Ալի Աբդել-Ազիզը հայտարարել է, որ իռլանդացի մարտիկ Քոնոր Մաքգրեգորը, թույլ վիճակագրության պատճառով մոտ ապագայում չի կարող տիտղոսի համար պայքարել:
«Եթե Քոնորը կարծում է, որ կմենամարտի Գեյջի-Խաբիբ զույգի հաղթողի հետ, ապա դա տեղի չի ունենա: Հատկապես, եթե Խաբիբը հաղթի: Նա ասաց, որ Քոնորին պետք է ավելի շատ հաղթանակներ՝ ռևանշի մենամարտ անցկացնելու համար », – Աբդել-Ազիզի խոսքերն է մեջբերում BJPenn-ը:
Մենեջերը նաև վստահություն հայտնեց, որ Գեյջին կենտրոնացած է Նուրմագոմեդովի հետ առաջիկա մենամարտի վրա և չի համաձայնվի նախ մրցել Մակգրեգորի հետ մենամարտում, նույնիսկ եթե դրա համար առաջարկվի մեծ վճագումար:
Նախորդ օրը UFC-ի նախագահ Դեյն Ուայթը հայտարարեց, որ կազմակերպությունը նախատեսում է Նուրմագոմեդովի չեմպիոնական մենամարտը անցկացնել սեպտեմբերին:
«Ես խոսեցի Խաբիբի հետ, և նա ասաց, որ պատրաստ կլինի մինչև սեպտեմբեր: Ես պատրաստ եմ այս ժամանակահատվածում մարտ կազմակերպել», – ասել է Ուայթը:
