Արգենտինայի ազգային հավաքականի գլխավոր մարզիչ Լիոնել Սկալոնին աշխարհի 2026 թվականի առաջնության եզրափակիչում Իսպանիայից կրած պարտությունից (0-1՝ լրացուցիչ ժամանակում) հետո խոսել է ազգային թիմի ղեկին իր ապագայի մասին։ Լրագրողների հետ զրույցի ընթացքում 48-ամյա մասնագետը չի կարողացել զսպել հույզերն ու արտասվել է։
«Ես դեռ չեմ զրուցել Լեո Մեսսիի հետ։ Ինչ վերաբերում է ինձ, ապա նախ կխոսեմ ֆեդերացիայի նախագահի հետ։ Ես մոտավորապես հասկանում եմ, թե ինչ եմ ուզում. կավարտեմ պայմանագիրս, իսկ հետո՝ կտեսնենք։ Անկեղծ ասած, ինձ պետք է ամեն ինչ լավ ծանրութեթև անել։ Չգիտեմ՝ կկարողանա՞մ արդյոք անել նույնքան մեծագույն մի բան, որքան նախկինում էր։
Արգենտինայի հավաքականում աշխատելը ցանկացած մարզչի երազանքն է։ Մենք՝ շտաբի անդամներով և ֆուտբոլիստներով, մինչև վերջին վայրկյանը ներդրեցինք մեր բոլոր ուժերը։ Բայց հիմա ինձ ժամանակ է հարկավոր՝ ամեն ինչ վերաիմաստավորելու համար։ Շարունակելու համար պետք է կրկին ուժ գտնել, վերաբեռնվել և ստեղծել նոր թիմ։ Կրկնել այն, ինչ մեզ հաջողվեց անել, անհավանական բարդ կլինի: Հիմա ինձ համար շատ ծանր է։
Մինչև դեկտեմբեր դեռ ժամանակ կա։ Վերջին շաբաթներին մենք ամբողջությամբ կենտրոնացած էինք աշխարհի առաջնության և ֆուտբոլիստների խաղի վերլուծության վրա, ուստի իմ ապագայի հարցն առայժմ հրատապ չէ ո՛չ ինձ, ո՛չ էլ, կարծում եմ, ֆեդերացիայի համար»,- Լիոնել Սկալոնիի խոսքերն է մեջբերում TyC Sports պարբերականը։
Հիշեցնենք, որ Սկալոնին Արգենտինայի ազգային հավաքականը գլխավորում է 2018 թվականից։ Նրա ղեկավարությամբ թիմը դարձել է 2022 թվականի աշխարհի չեմպիոն, նվաճել Ամերիկայի երկու գավաթ և Ֆինալիսիման։ Մարզչի գործող պայմանագիրը նախատեսված է մինչև 2026 թվականի դեկտեմբերը։
“It hurts my soul, I’m sorry” 😔
Lionel Scaloni was absolutely destroyed in his post game presser, and he simply could not hold back the tears. You simply have to feel for him! 😭🇦🇷
🏆 #FIFAWorldCup | June 12 — July 20 | Every Match on SBS 📺 pic.twitter.com/3vYSoAK9Qs
— SBS Sport (@SBSSportau) July 20, 2026
