Լաս Վեգասի «T-Mobile» արենայում մարտի 7-ի լույս 8-ի գիշերը կայացած UFC 326 մրցաշարի գլխավոր մենամարտում Չարլզ Օլիվեյրան տպավորիչ հաղթանակ տարավ Մաքս Հոլոուեյի նկատմամբ՝ դառնալով BMF տիտղոսի նոր դափնեկիրը։
Հինգ ռաունդ տևած լարված դիմակայությունն ավարտվեց բրազիլացի մարտիկի բացարձակ առավելությամբ. մրցավարները միաձայն որոշմամբ հաղթանակը շնորհեցին Օլիվեյրային՝ գրանցելով ջախջախիչ 50-45, 50-45, 50-45 հաշիվը։
Այս հաղթանակի շնորհիվ Օլիվեյրան բարելավեց իր անհատական վիճակագրությունը խառը մենամարտերում (MMA)՝ տոնելով իր 37-րդ հաղթանակը (մարտիկի ակտիվում կա նաև 11 պարտություն և 1 չկայացած մարտ)։ Մաքս Հոլոուեյի ցուցանիշն այժմ կազմում է 27 հաղթանակ և 9 պարտություն։
Հատկանշական է, որ սա մարտիկների երկրորդ հանդիպումն էր օկտագոնում։ Նրանց առաջին դիմակայությունը տեղի էր ունեցել դեռևս 2015 թվականի օգոստոսին։ Այն ժամանակ Հոլոուեյը հաղթել էր տեխնիկական նոկաուտով առաջին իսկ ռաունդում, քանի որ բրազիլացին չէր կարողացել շարունակել պայքարը՝ կերակրափողի ստացած վնասվածքի պատճառով։
They said they were going to throw down 👇
[ #UFC326 | LIVE on @ParamountPlus ] pic.twitter.com/1rnxBv2w1O
— UFC (@ufc) March 8, 2026
