«Բարսելոնայի» նախկին նախագահ Ժոան Լապորտան մտադիր է առաջադրել իր թեկնածությունը կատալոնական ակումբի նախագահի՝ 2021 թվականի ընտրություններում.
«Իրավիճակն ինձ շատ անհանգստացրեց: Ես հավաքում եմ մարդկանց, որոնց վստահում եմ, քանի որ մենք պետք է լրջորեն մտածենք այն մասին, թե ինչպես փոխենք տնտեսական իրավիճակը:
Ակումբը գտնվում է շատ նուրբ իրավիճակում: Անհրաժեշտ է շատ լավ մտածել, թե ինչպես փոխել ակումբի անկայուն տնտեսական դրությունը: Թվում է՝ այն չի ունենա սպասելի եկամուտները: Պետք է վստահության արժանի առաջարկ ներկայացնել, որը կծառայի «Բարսելոնայի» ինստիտուցիոնալ իմիջի բարելավմանը»,-Լապորտայի խոսքերն է փոխանցում Goal-ը:
Լապորտան 2003-ից 2010 թվականներին է եղել «Բարսելոնայի» նախագահը: Այդ ընթացքում «Բարսելոնան» հաղթել է աշխարհի ակումբային առաջնությունում , 2 անգամ՝ Չեմպիոնների լիգայում, 4 անգամ՝ Լա Լիգայում, 3 անգամ նվաճել է Իսպանիայի Սուպերգավաթը, 1 անգամ էլ՝ երկրի Գավաթը: Թիմը նաև 3 անգամ արժանացել է Կատալոնիայի Գավաթին:
2010 թվականին նրան փոխարինեց Խոսեպ Բարտոմեուն: 2015 թվականին Լապորտան մեղադրվեց փողերի հափշտակման և «Բարսելոնայի» ֆինանսական վատ վիճակի համար այն բանից հետո, ինչ 2010թ. հեռացավ զբաղեցրած պաշտոնից: