Marca-ի լրագրող Խուան Իգնասիո Գարսիա-Օչոան լայնածավալ հարցազրույց է վերցրել Գերմանիայի ազգային հավաքականի և Մադրիդի «Ռեալի» նախկին կիսապաշտպան Տոնի Կրոսից։ Ֆուտբոլիստը խոսել է ֆուտբոլից հետո կյանքի, ընտանիքի, ինչպես նաև կարիերան ավարտելու որոշման դժվարության մասին։
— Ինչպե՞ս է իրեն զգում Տոնի Կրոսը ֆուտբոլիստի կարիերան ավարտելուց երեք ամիս անց։ Արդյո՞ք նա կարոտում է ֆուտբոլը։
— Շատ լավ, և, իրականում, ուրախ, չնայած կյանքս է փոխվել։ Ինձ հետ ամեն ինչ կարգին է, երջանիկ եմ, ինչպես և նախկինում էր։ Հետաքրքիր ծրագրեր ունեմ, և շատ լավ եմ ապրում։
— Ձեզ տեսնում ենք ամենուր։ Դուք աշխատում եք որպես մոդել, մարզում եք ակադեմիաներում, կազմակերպում եք մրցաշարեր, զբաղվում եք անձնական ֆոնտով։ Հիմա ձեր տանջանքն ավելի շատ է, քան նախկինում էր։
— Հնարավոր է։ Կյանքս փոխվել է, և այո, կարծում եմ՝ ավելի շատ եմ աշխատում (ծիծաղում է): Սա ուրիշ աշխատանք է՝ կապված մտորումների, ծրագրերի կազմակերպման և դրանց աջակցման հետ։ Աշխատում եմ, որ ամեն ինչ լավ ընթացք ունենա։ Օրինակ՝ շատ երեխաներ ունեմ ֆուտբոլային դպրոցում, որոնց ցանկանում եմ ավելի լավը դարձնել։ Դրա համար պետք է մարզչական ծրագիր կազմել թե՛ երեխաների, և թե՛ թիմերի համար։ Այդ առումով իմ կյանքը շատ է փոխվել։ Նախկինում մարզվում ու խաղում էի։ Հիմա պետք է մտածել։ Կա նաև ֆոնդ, որն արդեն 10 տարի օգնում է հիվանդ երեխաներին։ Ամբողջ ընտանիքս ընդրկված է այդ աշխատանքին, քանի որ շատ մարդիկ կան, որոնք օգնության կարիք ունեն։ Ես երջանիկ մարդ եմ, քանի որ իմ երեխաներն առողջ են»,- ասել է Կրոսը։
Հիշեցնենք, որ անցյալ ամառ Կրոսը հայտարարեց ֆուտբոլիստի պրոֆեսիոնալ կարիերան ավարտելու մասին։ Կիսապաշտպանն իր վերջին հանդիպումն անցկացրեց Եվրոպայի 2024 թվականի առաջնությունում՝ Իսպանիայի դեմ քառորդ եզրափակիչում (2:1):
