«Արսենալը» պայմանավորվել է վարձավճարով ձեռք բերել «Բորնմութի» դարպասապահ Նորբերտո Նետոյին, հայտնում է The Athletic-ը։
Լոնդոնյան ակումբը պահեստային է փնտրում Դավիդ Ռայային, քանի որ Աարոն Ռեմսդեյլը կտեղափոխվի «Սաութհեմփթոն» մինչև ամառային տրանսֆերային պատուհանի փակվելը։
«Բարսելոնայի» և «Յուվենտուսի» նախկին խաղացող, 35-ամյա բրազիլացի Նետոն առաջիկա ժամերին պետք է բուժզննում անցնի։ Նրա հեռանալը «Բորնմութից» պայմանավորված էր Կեպա Արիսաբալագայի՝ «Չելսիից» վարձավճարով ակումբին միանալու պատճառով:
Նետոն նախորդ մրցաշրջանում «Բորնմութի» առաջին դարպասապահն էր: Այդ մրցաշրջանում անցկացրած 32 խաղերից 7-ում դարպասը պահելով անառիկ:
