Ռուս թենիսիստ Դանիլ Մեդվեդևը պատմել է, թե ով է ոգեշնչել իրեն թենիսիստ դառնալու գործում։
«Շատ ռուս թենիսիստների համար իրենց կուռքը Եվգենիյ Կաֆելնիկովն է, բայց ես երբեք չեմ տեսել նրա խաղերը։
Ինձ համար թենիսային կուռք Մարատ Սաֆինն է։ Ես տեսա, թե ինչպես է նա հաջողություններ գրանցում Մեծ սաղավարտի մրցաշարերում և որոշեցի զբաղվել թենիսով։ Նաև ես հետևում էի ուշադրությամբ Ֆեդերերի և Նադալի կարիերաներին»,-Մեդվեդևի խոսքն է մեջբերում Tennis World USA-ը։
ATP-ի և WTA-ի համատեղ որոշմամբ՝ թենիսի բոլոր մրցաշարերը չեղարկվել են մինչև հունիսի 7-ը կապված կորոնավիրուսի համավարակի տարածումով։