«Բարսելոնայի» պաշտպան Ռոնալդ Արաուխոն վերսկսել է մարզումներն ընդհանուր խմբի հետ։
Կատալոնացիները մեկ ամսից ավելի է, ինչ առանց Ուրուգվայի հավաքականի խաղացողի են, բայց նա այժմ մոտ է վերադառնալուն: Արաուխոն ապաքինվել է ազդրի վնասվածքից, թեև սպասվում է, որ «Բարսան» զգույշ կլինի նրա վերադարձի հետ և ռիսկի չդիմի:
Արաուխոն կիրակի օրը մասնակցել է մի քանի մարզումների։ Շատ հավանական է, որ նա չի մասնակցի Չեմպիոնների լիգայի խմբային փուլի առաջին տուրի՝ «Անտվերպենի» դեմ հանդիպմանը, բայց պետք է, որ կարողանա մասնակցել հաջորդ շաբաթվա վերջին Լա Լիգայի շրջանակում կայանալիք «Սելտա Վիգոյի» դեմ խաղին։
