Մադրիդի «Ռեալի» և Իսպանիայի հավաքականի պաշտպան Դանիել Կարվախալը նշել է այն երեք լավագույն ֆուտբոլիստներին, որոնց հետ նա հնարավորություն է ունեցել խաղալ իր կարիերայի ընթացքում։
«Կրիշտիանու, Սերխիո Ռամոս և Լուկա Մոդրիչ… Երբ այս մարդիկ խոսում են ձեզ հետ, դուք պետք է զգոն պահեք բոլոր հինգ զգայարանները:
Երբ նրանք ինչ-որ բան են բացատրում, պետք է գրառումներ անել։ Դուք տեսնում եք, որ նրանք գալիս են մարզումներին առավոտյան ժամը 6-ին և սկսում մարզվել… դա անհավանական է:
Լուկան կարողացավ այդքան փոքր երկրին հասցնել Աշխարհի առաջնության եզրափակիչ։ Նրանք բոլորն էլ «Ռեալ» տեղափոխվեցին իրենց ուժերի գագաթնակետին։ Պարզապես անհավանական է, թե ինչպես նրանք հաղթեցին բոլորին»,- Կարվախալի խոսքերն է մեջբերում Marca-ն։
