Մարտի 6-ին և 7-ին կայացել է Հայաստանի Բարձրագույն խմբի առաջնության 17-րդ տուրի 3 հանդիպում։ Տուրի վերջին հանդիպումը կկայանա վաղը՝ մարտի 8-ին, երբ «Արարատը» Գյումրիում կմրցի «Լոռիի» հետ։ Այդուհանդերձ, արդեն իսկ հայտնի են այն թիմերը, որոնք տեղ կզբաղեցնեն մրցաշարային աղյուսակի առաջին 6-յակում ու կպայքարեն չեմպիոնության համար։
Այդ թիմերն են «Արարատ-Արմենիան», «Ալաշկերտը», «Շիրակը», «Լոռին», «Նոան» և «Արարատը»։
«Նոան», որն այս տուրում 4։2 հաշվով առավելության է հասել «Փյունիկի» նկատմամբ, զրկել է վերջինիս ու նաև «Ուրարտուին» 6-յակում տեղ գտնելու ու չեմպիոնության համար պայքարելու շանսերից։
Վերջին՝ 18-րդ տուրից առաջ, «Փյունիկն» ու «Ուրարտուն» իրենց ակտիվում 23 միավոր ունեն և 4 միավորով զիջում են 6-րդ տեղում ընթացող «Նոային» և «Արարատին»։
ԲԽ-ի 17-րդ տուրի վերջին՝ «Արարատ»-«Լոռի» խաղից առաջ մրցաշարային աղյուսակն այս տեսքն ունի․
| 1. | Արարատ-Արմենիա | 17 | 10 | 3 | 4 | 30 | 15 | 33 |
| 2. | Ալաշկերտ | 17 | 9 | 4 | 4 | 33 | 19 | 31 |
| 3. | Շիրակ | 17 | 8 | 4 | 5 | 24 | 16 | 28 |
| 4. | Լոռի ՖԱ | 16 | 8 | 4 | 4 | 25 | 18 | 28 |
| 5. | Նոա | 17 | 8 | 3 | 6 | 24 | 19 | 27 |
| 6. | Արարատ | 16 | 8 | 3 | 5 | 24 | 18 | 27 |
| 7. | Փյունիկ | 17 | 7 | 2 | 8 | 35 | 33 | 23 |
| 8. | Ուրարտու | 17 | 6 | 5 | 6 | 22 | 23 | 23 |
| 9. | Գանձասար-Կապան | 17 | 3 | 6 | 8 | 17 | 25 | 15 |
| 10. | ՖԱ Երևան | 17 | 0 | 0 | 17 | 11 | 59 | 0 |
