«Բարսելոնայի» նախկին գլխավոր մարզիչ Ռոնալդ Կումանը խոսել է 2021 թվականին արգենտինացի հարձակվող Լիոնել Մեսսիի՝ ակումբից հեռանալու մասին։
«Դա անակնկալ էր։ Նախամրցաշրջանային հատվածում նրանք ինձ ասացին. «Վաղը հանդիպում կունենանք Մեսսիի և նրա հոր հետ, պայմանագիր ենք կնքում, և նա մնում է»։ Հաջորդ օրը Լապորտան զանգահարեց ինձ և ասաց. «Մենք ծանր իրավիճակում ենք»։ Իսկ գիշերը Լեոն հեռացավ։ Մեսսին «Բարսելոնան» է, նա այնքան շատ բան արեց ակումբի համար, որ արժանի չէր նման ձևով հեռանալուն»,- Կումանի խոսքերն է մեջբերում Relevo-ն։
Հիշեցնենք, որ «Բարսելոնայի» հետ պայմանագրի ժամկետի ավարտից հետո 35-ամյա հարձակվողը պայմանագիր է կնքել ՊՍԺ-ի հետ։ Այս մրցաշրջանում Մեսսին ակումբի կազմում անցկացրել է 32 հանդիպում բոլոր մրցաշարերում՝ դառնալով 18 գոլի և 17 գոլային փոխանցման հեղինակ: