Մադրիդի «Ատլետիկոն» վերջնագիր է ներկայացրել «Բարսելոնային» կատալոնացիների հարձակվող Մեմֆիս Դեպայի՝ մադրիդցիների կազմ տեղափոխվելու պայմանների վերաբերյալ։ Այս մասին հայտնում է Relevo-ն։
Աղբյուրի համաձայն՝ «Ատլետիկոն» չի ցանկանում Դեպայի հետ փոխանակել բելգիացի կիսապաշտպան Յանիկ Ֆեռեյրա Կառասկոյին։ Ավելին, մադրիդցիների ղեկավարությունը չի ցանկանում նույնիսկ սիմվոլիկ գումար վճարել հոլանդացու համար ձմեռային տրանսֆերային պատուհանի ժամանակ՝ սպառնալով «Բարսելոնային» ամռանը անվճար վերցնել հարձակվողին։ Այն դեպքում, երբ «Բարսելոնան» ձմռանը Դեպային թույլ չտա գնալ մադրիդյան ակումբ, «Ատլետիկոն» ձեռք կբերի պորտուգալական «Բրագայի» հարձակվող Վիտինյուին։ Անձամբ Դեպայի հետ պայմանագիրն արդեն համաձայնեցված է։
«Ատլետիկոն» պատրաստ է բաց թողնել Կառասկոյին 60 միլիոն եվրոյի դիմաց: Հաղորդվում է, որ մադրիդցիները չեն խանգարի բելգիացուն տեղափոխվել «Բարսելոնա», եթե կապտանռնագույնները համաձայնեն խաղացողի համար վճարել իրենց ուզած գումարը։
