Մադրիդի «Ռեալի» նախագահ Ֆլորենտինո Պերեսը սկսել է փոխարինող փնտրել թիմի գլխավոր մարզիչ Կառլո Անչելոտիին, որը հաջորդ մրցաշրջանի ավարտին մտադիր է հեռանալ ակումբից, հայտնում է EL Nacional-ը։
Աղբյուրի փոխանցմամբ, այս պաշտոնի գլխավոր հավակնորդը թիմի նախկին ֆուտբոլիստ, իսկ այժմ «Բայերի» գլխավոր մարզիչ Խաբի Ալոնսոն է, որը վերջերս է գլխավորել գերմանական թիմը։
Հաղորդվու է նաև, որ «Արքայական ակումբը» 2024 թվականին մտադիր է երկու խոշոր տրանսֆեր իրականացնել՝ պայմանագրեր կնքելով «Մանչեսթեր Սիթիի» նորվեգացի հարձակվող Էրլինգ Հոլանդի և «Պալմեյրասի» հարձակվող Էնդրիկի հետ։
16-ամյա Էնդրիկը «Պալմեյրասի» սան է։ Transfermarkt-ը նրա տրանսֆերային արժեքը 15 մլն եվրո է գնահատում, իսկ Հոլանդինը՝ 150 մլն եվրո։
