Բասկետբոլի ազգային ասոցիացիայի ակումբ հանդիսացող «Հյուսթոն Ռոկետսի» խաղացող Ռասել Վեսթբրուքը հատել է 20 հազար միավորի շեմը NBA-ում կանոնավոր առաջնության «Լոս Անջելես Լեյքերսի» հետ խաղում։
«Հյուսթոնը» հաղթել է 121-111 հաշվով, Վեսթբրուքը վաստակել է 41 միավոր։ Այս պահի դրությամբ Վեսթբրուքի հաշվին 20 007 միավոր կա NBA-ում։ Այս ցուցանիշով նա զբացեցնում է 46-րդ հորիզոնականը։
Առաջին տեղում է Կարիմ Աբդուլ-Ջաբարը 38 387 միավորով, երկրորդը Կառլ Մելոունն է (36 928), երրորդը՝ Լեբրոն Ջեյմսը (33 746):
Հիշեցնենք, որ Ռասել Վեսթբրուքը առաջին մրցաշրջանն է անցկացնում «Հյուսթոն Ռոկետսի» կազմում։ Մինչ այդ նա 11 մրցաշրջան անցկացրել է «Օկլահոմա Սիթի Թանդերի» կազմում։