42-ամյա մասնագետ Գրիգորի Բաբայանը Ղազախստանի ֆուտբոլի ազգային հավաքականը գլխավորելու առաջարկ ունի:
Ըստ KazFootball-ի՝ Բաբայանն այժմ դիտարկում է այդ առաջարկը։ Ավելի վաղ՝ 2008-ից 2014 թվականներին, հայ մասնագետն աշխատել է Ղազախստանի հավաքականի մարզչական շտաբում։ Այնուհետև որպես մարզիչ աշխատել է «Աստանայում» եւ «Տոբոլում»։
Այժմ Բաբայանը ԲԿՄԱ-ի գլխավոր մարզիչ Ալեքսեյ Բերեզուցկու օգնականն է։ Բաբայանի պայմանագիրը մոսկովյան ակումբի հետ ավարտվում է այս տարվա մայիսի վերջին։
Ղազախստանի ֆուտբոլի ֆեդերացիան չի երկարաձգի պայմանագիրը Անդրեյ Կարպովիչի հետ, ով թիմը գլխավորել է Մոլդովայի դեմ Ազգերի լիգայի փլեյ-օֆֆի խաղում, որի արդյունքներով պահպանել է իր տեղը C դիվիզիոնում։
