«Ինտերի» դանիացի կիսապաշտպան Քրիստիան Էրիկսենը պատմել է, թե ինչպես է փորձաշրջան անցել «Միլանում», ինչպես նաև խոսել է առաջիկա միլանդյան դերբիից ունեցած սպասելիքների մասին.
«15 տարեկանում ես փորձաշրջան էի անցնում «Միլանի» երիտասարդական թիմում: Ես ժամանել էի Օդենսեից ու միանգամից մեկնեցի Միլանելլո, որտեղ մարզվում էի և ապրում: Տուն վերադառնալուց հետո ես շատ էի մտածում այն մասին` արդյոք պե՞տք է տեղափոխվել, թե՞ ոչ: Իտալիան այդ ժամանակ շատ հեռու էր թվում տնից, ես շատ կապված էի ընտանիքիս հետ: Բայց բոլոր այդ ապրումներն այդպես էլ մնացին ապրումներ, քանի որ «Միլանից» ինձ ոչ-ոք այդպես էլ չզանգահարեց:
Միլանյան դերբի՞ն. ես հեռուստատեսությամբ մի քանի խաղ եմ տեսել, բայց հիմա ես խաղում եմ դաշտում, ու ամեն ինչ այլ կլինի: Ես այլ մթնոլորտ եմ ակնկալում, ինչը կտարբերվի Լոնդոնից: Այստեղ ամբողջ մրցաշրջանը կերգի, շատ աղմուկ կլինի, գեղեցիկ կլինի:
Ես և Իբրահիմովիչը շատ տարբեր ենք: Նա ավելի շատ է սովոր այդպիսի խաղերի, ես դեռ նորամուտս եմ նշում: Ի՞նչն է ինձ վախեցնում «Միլանում». իմ ընկեր Կյերը: Ես շատ եմ խոսել նրա հետ (ծիծաղում է): Ոչ, ինձ ոչինչ չի վախեցնում: Մենք լավ կարգավիճակում ենք, բայց դերբիում ինչ ասես կարող է տեղի ունենալ: Կարևոր չէ, թե նրանք ինչ կազմ կունենան»,- Էրիկսենի խոսքերն է փոխանցում La Gazzetta dello Sport-ը:
27-ամյա Էրիկսենը «Տոտենհեմից» «Ինտեր» է տեղափոխվել 2020 թվականի հունվարի վերջին: Տրանսֆերի արժեքը 20 մլն եվրո է կազմել` գումարած բոնուսները: Կիսապաշտպանն իտալական ակումբի հետ մինչև 2024 թվականի ամառը նախատեսված պայմանագիր է կնքել:
