«Էվերթոնի» գլխավոր մարզիչ Ռաֆայել Բենիտեսը հեռացվեց զբաղեցրած պաշտոնից։ Այս մասին հայտնում է մերսիսայդցիների պաշտոնական կայքը։
Մոտ ժամանակներս ակումբը կհայտարարի Բենիտեսին փոխարինողի անունը։ 61-ամյա մասնագետը 2021 թվականի հուլիսից էր գլխավորում «Էվերթոնը»։ Իսպանացու պայմանագիրն ակումբի հետ նախատեսված էր մինչև 2024 թվականի հունիսը։
Ավելի վաղ հայտնի էր դարձել, որ Բենիտեսի հեռանալուն կարող է նպաստել ԱՊԼ-ի 22-րդ տուրում «Նորվիչ Սիթիից» կրած պարտությունը (1-2)։ ԱՊԼ-ի վերջին 13 խաղում «Էվերթոնը» կարողացել է միայն մեկ հաղթանակ տանել։
19 տուրից հետո «Էվերթոնը» 19 միավոր է վաստակել և գտնվում է մրցաշարային աղյուսակի 15-րդ տեղում։
e