Սաուդյան Արաբիայում այսօր կկայանա Իսպանիայի սուպերգավաթի եզրափակիչը, որտեղ կմրցեն Մադրիդի «Ռեալը» և Բիլբաոյի «Ատլետիկը»։
Խաղից առաջ իր տպավորություններով է կիսվել «Արքայական ակումբի» գլխավոր մարզիչ Կառլո Անչելոտին։
«Մրցակիցն ունի խաղային մի շարք հրաշալի որակներ։ Կարող եմ առանձնացնել պաշտպանությունում խաղը, կազմակերպվածությունը, խաղերին բարձր տեմպ հաղորդելը, ինչպես նաև ստանդարտ գործողությունների ժամանակ բավականին վտանգավոր լինելը։
Մեր մոտեցումները պետք է տարբերվեն կիսաեզրափակիչ հանդիպման ժամանակ տեղի ունեցածից։ «Բարսելոնան» և «Ատլետիկը» տարբեր ֆուտբոլ են դավանում»,- նշել է իտալացի մասնագետը։
