Անգլիայի հավաքականի գլխավոր մարզիչ Գարեթ Սաութգեյթը մոտ է Անգլիայի ֆուտբոլային Ասոցիացիայի հետ նոր պայմանագիր կնքելուն (FA)։
Նրա գործող պայմանագիրն ուժի մեջ է մինչև 2022 թվականի ավարտը։ Թե՛ մարզիչը, թե՛ FA-ի ղեկավարությունը ցանկանում են երկարաձգել պայմանագիրը գոնե մինչև Եվրո-2024-ի ավարտը։
Կողմերը սկզբունքային համաձայնության են եկել նոր պայմանագրի պայմանների շուրջ։ Հենց Անգլիան երաշխավորի իր մասնակցությունն ԱԱ-2022-ին, Սաութգեյթը կստորագրի բոլոր փաստաթղթերը։
Հիմա Գարեթը տարեկան մոտ 3 մլն ֆունտ է ստանում։ Նոր պայմանագրով նրա աշխատավարձը կգերազանցի 5 մլն ֆունտը։
Սաութգեյթը 2016 թվականին է գլխավորել Անգլիայի հավաքականը։ Նրա գլխավորությամբ թիմը դուրս է եկել ԱԱ-2018-ի կիսաեզրափակիչ, ինչպես նաև մասնակցել է Եվրո-2020-ի եզրափակչին։
