«Չելսիի» գլխավոր մարզիչ Թոմաս Տուխելը հայտարարել է, որ թիմի հիմնական կազմի երկու խաղացող չի կարողանա խաղալ «Աստոն Վիլլայի» դեմ Պրեմիեր լիգայի հաջորդ խաղում: Խոսքը Ն’Գոլո Կանտեի ու Քրիստիան Պուլիշիչի մասին է:
«Այսօր բոլոր ֆուտբոլիստների վերադարձից հետո առաջին օրն էր: Ցավոք, Կանտեն և Պուլիշիչը դուրս մնացին շարքից: Երկուսն էլ վնասվածքներով էին վերադարձել: Կանտեն վնասվածք էր ստացել դեռ «Լիվերպուլի» հետ խաղում: Նա կարող է խաղադաշտ վերադառնալ երեքշաբթի (Չեմպիոնների լիգայի խաղարկության շրջանակում «Զենիթի» դեմ խաղում): Քրիստիանը վերադարձավ հենակներով: Նա կոճի վնասվածք ունի և բաց կթողնի մոտ 10 օր»,-Տուխելի խոսքերն է մեջբերում Mirror-ը:
«Կապույտներին» վաղվա խաղում որակազրկման պատճառով չի օգնի նաև Ռիս Ջեյմսը:
