Ռիգայում երեկ ավարտվել է ձյուդոյի Եվրոպայի պատանեկան առաջնությունը, որում Հայաստանը ներկայացված է եղել 9 մարզիկով։
ՀԱՕԿ-ը գրում է, որ առավել հաջող են հանդես եկել Երևանի պետական մարզական օլիմպիական քոլեջի մարզիչ Վահե Թորոսյանի աշակերտները: Նրանցից Արտակ Թորոսյանը / 66 կգ /, ինչպես ավելի վաղ հայտնել էինք, բոլորից շատ հաղթանակներն է տոնել, գրավել է երրորդ տեղը և պարգևատրվել բրոնզե մեդալով:
Իսկ 81 կգ քաշային Գոռ Կարապետայնը գրավել է մրցանակային հինգերորդ տեղը։
Նշվում է՝ սեպտեմբերի 9-12 –ը, Լյուքսեմբուրգում կկայանա Եվրոպայի երիտասարդական առաջնությունը։ Հավաքականի ավագ մարզիչ, գյումրեցի Դավիթ Խաչատրյանը նախապես որոշել էր մրցավայր ուղեկցել չորս մարզիկի: Վերջնական կազմը կհրապարակվի մրցաշարի մեկնելուց առաջ: