Մադրիդի «Ռեալի» կիսապաշտպան Մարտին Էդեգորը կարիերան կշարունակի «Արսենալում»։ Այս մասին հայտնում է իտալացի լրագրող Ֆաբրիցիո Ռոմանոն Թվիթերի իր էջում։
«Մարտին Էդեգորն իր պայմանագիրն այսօր կստորագրի։ Այն ուժի մեջ կլինի մինչև 2026 թվականի հունիսը։ «Ռեալը» ևս պաշտոնական հայտարարություն է նախապատրաստում»,- գրել է լրագրողը։
Martin Ødegaard will sign his contract as new Arsenal player today. The agreement will be until June 2026 [option included] — Real Madrid are also preparing their official statement 🔴 #AFC
Aaron Ramsdale deal between Arsenal and Sheffield Utd will be also completed ‘very soon’.
— Fabrizio Romano (@FabrizioRomano) August 19, 2021
Պայմանագրում այն երկարաձգելու վերաբերյալ կետ կներառվի։ Ավելի վաղ հայտնի էր դարձել, որ զինագործները 22-ամյա ֆուտբոլիստի համար 35 մլն եվրո կվճարեն։
Հիշեցնենք՝ Էդեգորը 2015 թվականին է դարձել «Ռեալի» ֆուտբոլիստ։ Նախորդ մրցաշրջանի երկրորդ հատվածը նա վարձակալության հիմունքներով անցկացրել է «Արսենալում», որի կազմում մասնակցել է 20 հանդիպման, դարձել 2 գոլի և 2 գոլային փոխանցման հեղինակ։ 2014 թվականից Էդեգորը հրավիրվում է Նորվեգիայի հավաքական։
