Ժիրայր Շաղոյանն ու Արման Ներսեսյանն արդեն ժամանել են Ֆարերյան կղզիներ և միացել Հայաստանի Մ21 հավաքականին։ Այս մասին տեղեկանում ենք ՀՖՖ ֆեյսբուքյան էջից։
Հիշեցնենք, որ երկու ֆուտբոլիստն էլ Հայաստանի ազգային հավաքականի հետ մեկնել էին Խորվաթիա, ապա Շվեդիա՝ մասնակցելու ընկերական խաղերին։
Ինչպես ավելի վաղ հայտնել էինք՝ հունիսի 5-ին Հայաստանի Մ-21 հավաքականը Երևան-Վիեննա-Կոպենհագեն-Վագար չվերթով ուղևորվել է Ֆարերյան կղզիներ, որտեղ կկայանա ՈՒԵՖԱ ԵՎՐՈ Մ-21 որակավորման H խմբի առաջին մրցափուլի Ֆարերյան կղզիներ Մ-21- Հայաստան Մ-21 հանդիպումը։ Թիմը կհանգրվանի մայրաքաղաք Տորսհավնում գտնվող «Դյուրհուս» հյուրանոցում։