Ավստրալիայի Ադելաիդա քաղաքում ավարտվել է թենիսի ATP 250 շարքի մրցաշարը։ Եզրափակչում միմյանց դեմ մրցում էին ռուս Անդրեյ Ռուբլյովն ու հարավաֆրիկացի Լյորդ Հարիսը։
56 րոպե տևած պայքարում Ռուբլյովը հաղթեց երկու սեթում՝ 6-3, 6-0 ու նվաճեց նոր մեկնարկած մրցաշրջանի արդեն երկրորդ տիտղոսը։ 22-ամյա թենիսիստը հաղթող էր ճանաչվել նաև Դոհայի մրցաշարում։ Սա 12-րդ անընդմեջ հաղթանակն էր Ռուբլյովի համար։
UNDEFEATED 💥@AndreyRublev97 wins his second title in as many weeks with a 6-3 6-0 win over Lloyd Harris.#AdelaideTennis pic.twitter.com/xGrVyog7VO
— Tennis TV (@TennisTV) January 18, 2020
Այսպիսով, այս հաղթանակից հետո Ռուբլյովը կբարելավի իր դիրքերը նաև ATP-ի վարկանիշային աղյուսակում՝ բարձրանալով 16-րդ հորիզոնական։ Սա նրա կարիերայի ամենաբարձր կետն է վարկանիշային աղյուսակում։
Հավելենք, որ Ռուբլյովը այս արդյունքից հետո վարկանիշային աղյուսակում առաջ կանցնի Կարեն Խաչանովից ու կդառնա Ռուսաստանի երկրորդ ռակետը։
