Աշխարհի եռակի չեմպիոն, ամերիկացի Նաթան Չենի մարզիչ Ռաֆայել Հարությունյանը խոսել է Եվգենի Պլյուշչենկոյի հետ հանդիպման մասին: Ավելի վաղ Օլիմպիական խաղերի կրկնակի չեմպիոն Եվգենի Պլյուշչենկոն հայտարարել էր, որ պատրաստվում է համագործակցել Հարությունյանի հետ:
«Ես հիմա արձակուրդում եմ, միայն երեքշաբթի օրն եմ Թբիլիսիից թռչել Մոսկվա և հաճելիորեն զարմացա, որ Պլյուշչենկոն զանգահարեց ինձ և հրավիրեց իր սահադաշտ: Նա ասաց, որ իսկապես ուզում է խոսել ինձ հետ: Ոչ մի համագործակցության մասին դեռ խոսք չկա, բայց ես հաճույքով ընդունեցի Պլյուշչենկոյի՝ սահադաշտ գնալու առաջարկը», — RT-ի հետ հարցազրույցի ժամանակ ասել է Հարությունյանը:
63-ամյա մասնագետը նշել է, որ 20 տարիների ընթացքում ոչ մի ռուս մարզիչ իրեն չի հրավիրել իրենց մարզումներին:
«Եվ ես իսկապես զարմացա, առաջին հերթին, բացարձակապես անհավանական մարզական նվաճումներ ունեցող անձի կողմից ինձ հրավիրելու փաստից, և երկրորդ, Եվգենիի ՝ մարզչական որոշ նոր գիտելիքներ ստանալու ցանկությունից: Սահադաշտում անցկացրած ամբողջ ժամանակահատվածում նա անընդհատ հարցեր էր տալիս: Պարզվեց, որ դա շատ բեղմնավոր և խիտ մարզչական զրույց էր: Մի խոսքով, տպավորված եմ», — ասաց Հարությունյանը:
