Հայաստանի ազգային հավաքականի երկրպագուների Red Eagles ֆան-շարժման ղեկավար Դենիս Սարգսյանը գրառում է կատարել ֆեյսբուքի իր էջում՝ ցույց տալով, թե ինչ պայմաններում է հետևել Հայաստանի հավաքականի տնային խաղերին.
«Երբեք չէի մտածի, որ այսպիսի պայմաններում կդիտեմ հավաքականի հանդիպումը։
Վերջին 15 տարվա մեջ ոչ մի տնային հանդիպում բաց չէի թողել (բանակի երկու տարին չհաշված)։ Նախորդ տարին աննախադեպ էր` 4 տնային հանդիպում, ոչ իմ կամքով, այսպիսի պայմաններում դիտեցի…»,- գրել է Դենիսն ու այս լուսանկարը հրապարակել:
Հիշեցնենք՝ ավելի վաղ հաղորդվում էր, որ Եվրո-2020-ի ընտրական փուլի Հայաստան-Լիխտենշտեյն հանդիպումից հետո քրեական գործ է հարուցվել Դենիս Սարգսյանի ու մի շարք այլ անձանց նկատմամբ՝ ՀՖՖ-ին խոշոր չափերով գույքային վնաս պատճառելու համար: Այդ իսկ պատճառով, մինչև քննության ավարտը ՀՖՖ-ն որոշել էր արգելել Դենիս Սարգսյանի մուտքը մարզադաշտ:
