«Բարսելոնայի» հարձակվող Լուիս Սուարեսը կիրակի կենթարկվի աջ ծնկի վիրահատության։ Տեղեկությունը հաստատել է «Բարսելոնայի» պաշտոնական կայքը։
Իսպանիայի սուպերգավաթի «Աթլետիկոյի» դեմ խաղի (2-3) ընթացքում ուրուգվայցի հարձակվողը վնասվածք է ստացել։ Վերականգնման ժամկետների մասին հայտարարության մեջ չի նշվում, սակայն ակնհայտ է, որ որոշ ժամանակ պահանջվելու է ապաքինման համար։
Լուիս Սուարեսը ընթացիկ մրցաշրջանում մասնակցել է 23 հանդիպման՝ դառնալով 14 գոլի հեղինակ, որոնցից 11-ը՝ Լա լիգայում, 3-ը՝ Չեմպիոնների լիգայում։
