«Տոտենհեմի» կիսապաշտպան Սոն Հին Մինը մեկնաբանել է այն տեղեկությունը, որ թիմի հանդերձարանում դադարել են աջակցել գլխավոր մարզիչ Ժոզե Մոուրինյուին։
«Շշուկներ են, սրանք բոլորը չհիմնավորված շշուկներ են։ Հանդերձարանում, կարծում եմ, այս պահին ամեն ինչ հիանալի է։ Իմ հոգեկան վիճակի հետ կապված ամեն ինչ ակնհայտ է․ արդյունքներից է կախված։ Տխրում եմ, երբ պարտվում ենք ու ուրախանում եմ, երբ հաղթում ենք։ Ամեն ինչ այնպես է, ինչպես բոլորի մոտ։
Իհարկե, տրամադրությունը մի քիչ վատացել է մի քանի վատ խաղից հետո, բայց հենց հանդերձարանում ոչինչ չի փոխվել։ Բոլորը երջանիկ են, բոլորը ծիծաղում են։ Միևնույն ժամանակ յուրաքանչյուր ֆուտբոլիստ կենտրոնացած է հերթական խաղի վրա»,-հարավկորեացի ֆուտբոլիստի խոսքերն է փոխանցում ESPN-ն։
«Տոտենհեմը» ԱՊԼ վերջին 5 խաղում 4 պարտություն է կրել։ Լոնդոնցիները 36 միավորով 9-րդ տեղում են։
