Բռնցքամարտի հայկական ազգային ֆեդերացիան ներկայացրել է նախագահ Հովհաննես Հովսեփյանի Ամանորյա շնորհավորանքը․
«Սիրելի մարզիկներ, մարզասերներ, մարզաշխարհի ներկայացուցիչներ, սրտանց շնորհավորում եմ Ձեզ Ամանորի և Սուրբ ծննդի կապակցությամբ։ 2019 հայկական բռնցքամարտի համար հաջողված տարի էր։ Մենք Ձեզ հետ միասին բազմաթիվ ծրագրեր իրականացրեցինք ու հաջողություններ գրանցեցինք։ Մեծածավալ աշխատանք կատարեցինք հատկապես մայրաքաղաքի ու մարզերի մարզադպրոցները մարզագույքով վերազինելու առումով։ Հաջողություններ գրանցեցինք նաև միջազգային ռինգերում։ 2020 թվականին աշխատանքները էլ ավելի մեծ թափով են շարունակվելու։ Եկող տարին նաև օլիմպիական է, և վստահ եմ մեզ հաջողվելու է օլիմպիական մեդալներ նվաճել։ Բոլորիս նորանոր հաղթանակներ և ամենայն բարիք եմ մաղթում»։