«Չելսիի» երկրպագուն, որը ռասիստական բնույթի վիրավորանքներ է հնչեցրել «Տոտենհեմի» հարձակվող Սոն Հին Մինի հասցեին ԱՊԼ-ի 18-րդ տուրի խաղում, ձերբակալվել է:
Այս մասին հայտնում է Sky Sports-ը:
Հիշեցնենք` ռասիստական վիրավորանքներ հնչել են նաև «Տոտենհեմի» երկրպագուների տրիբունայից: Վիրավորանքներ են հնչել «Չելսիի» պաշտպան Անտոնիո Ռյուդիգերի հասցեին:
Մարզադաշտի հաղորդավարը մի քանի անգամ երկրպագուներին կոչ է արել դադարեցնել վիրավորել ֆուտբոլիստներին: «Տոտենհեմը» ավելի ուշ հայտարարությամբ է հանդես եկել` նշելով, որ հետաքննելու է միջադեպն ու խոստացել է մեղավորներին ցմահ զրկել խաղերին ներկա գտնվելու հնարավորությունից:
«Տոտենհեմը», 18 տուրից հետո 26 միավոր վաստակելով, ԱՊԼ-ի մրցաշարային աղյուսակի 7-րդ հորիզոնականն է զբաղեցնում, իսկ «Չելսին» 32 միավորով գտնվում է 4-րդ տեղում:
