Լոնդոնի «Տոտենհեմի» հարձակվող Սոն Հին Մինը Անգլիայի Պրեմիեր լիգայի 18-րդ տուրի հանդիպման ավարտից հետո խոսել է «Լիվերպուլի» մասին։ Ըստ Սոնի՝ Սլոտի ֆուտբոլիստները միանգամայն արժանիորեն են գլխավորում Պրեմիեր լիգայի մրցաշարային աղյուսակը:
«Այստեղ կասկածի տեղ չկա։ «Լիվերպուլը» առաջատարն է, նրանք ունեն լավագույն խաղացողներ, ֆանտաստիկ կարգապահություն։ Եթե սխալվես, կպատժեն։ Սա շատ, շատ լավ թիմ է»,- Սոնի խոսքերն է մեջբերում Liverpool.com-ը:
Հիշեցնենք, որ նախօրեին՝ դեկտեմբերի 22-ին, կայացել էր «Տոտենհեմ»-«Լիվերպուլ» հանդիպումը, որում մերսիսայդցիները 6։3 հաշվով հաղթանակ են տարել։
