Ճապոնիայի բնակիչների հարցման արդյունքները չեն ազդել գալիք ամռանը Տոկիոյում Օլիմպիական խաղերն անցկացնելու Միջազգային օլիմպիական կոմիտեի (ՄՕԿ) որոշման վրա: Այս մասին ՏԱՍՍ-ին հայտնել են ՄՕԿ-ից:
Երեքշաբթի Ճապոնիայի NHK ազգային հեռուստաալիքը հրապարակել է Տոկիոյի խաղերը հյուրընկալելու վերաբերյալ իր հարցման արդյունքները:
Օլիմպիական խաղերին աջակցությունը հայտնել է հարցվածների 27 -ը, մինչ 32% -ը կողմ է դրա չեղյալ հայտարարելուն, 31% -ը`երկրորդ հետաձգմանը: Ճապոնացիները վախենում են, որ օտարերկրյա զբոսաշրջիկների հոսքը կարող է խթանել COVID-19 դեպքերը:
«Մենք լիովին կենտրոնացած ենք հաջորդ տարի Տոկիոյում կայանալիք Օլիմպիական խաղերի հաջողության վրա», – ասվում է ՄՕԿ-ի հայտարարության մեջ:
Հոկտեմբերին հեռուստաընկերության կողմից անցկացված հարցումը ցույց էր տվել, որ Տոկիոյի խաղերին աջակցում էին Ճապոնիայի բնակիչների 40% -ը, հարցվածների 23%-ը կողմ էր դրանց չեղարկմանը:
Տոկիոյի Օլիմպիական խաղերը պետք է տեղի ունենային 2020-ի ամռանը, սակայն հետաձգվեցին մեկ տարով`կորոնավիրուսի համաճարակի պատճառով: Խաղերի բացման արարողությունը պետք է տեղի ունենա 2021 թվականի հուլիսի 23-ին: Տոկիոյի նահանգապետ Յուրիկո Կոյկեն երեքշաբթի օրը հավաստիացրեց, որ քաղաքում տեղի կունենան օլիմպիական խաղեր:
