Բելգիայի հավաքականի կիսապաշտպան Էդեն Ազարը բարձրացել է հավաքականի պատմության լավագույն ռմբարկուների ցանկի 2-րդ հորիզոնականը:
Եվրո-2020-ի ընտրական փուլի 9-րդ տուրի՝ Ռուսաստանի հավաքականի հետ խաղում 28-ամյա ֆուտբոլիստը դեռևս 2 գոլ է հեղինակել՝ Բելգիայի հավաքականի կազմում իր գոլերի թիվը հասցնելով 32-ի:
Բելգիայի ազգային ընտրանու կազմում Ազարից շատ աչքի է ընկել միայն Ռոմելու Լուկակուն (51): Ազարը շրջանցել է Բերնար Վորհոֆին ու Փոլ վան Հիմստին, որոնք 30-ական գնդակ ունեն իրենց ակտիվում:
Նշենք՝ Ազարը Բելգիայի հավաքականի կազմում անցկացնում է իր 105-րդ հանդիպումը: Նրանից շատ «կարմիր սատանաների» կազմում հանդես է եկել միայն Յան Վերտոնգենը (119 խաղ):
Առաջին կեսից հետո Բելգիայի հավաքականը հաղթում է 3:0 հաշվով: Էդեն Ազարը նաև գոլային փոխանցում է կատարել եղբորը՝ Տորգանին:
