Իսպանական La Casa de Papel («Թղթե տունը») հայտնի սերիալի հայ դերասան Հովիկ Կեուչկերյանը, որը ֆիլմում մարմնավորում է Բոգոտայի կերպարը, Հայաստանի հավաքականի իսպանացի գլխավոր մարզիչ Խոակին Կապառոսի հրավերով այսօր՝ հուլիսի 7-ին, այցելել է Ավանի ակադեմիա:
«Շատ ուրախ եմ, որ Խոակին Կապառոսը իսպանացի է ու ինձ հրավիրեց այստեղ: Հուսամ՝ Հայաստանի ազգային հավաքականը նրա գլխավորությամբ կմասնակցի Քաթարում կայանալիք ֆուտբոլի աշխարհի առաջնությանը:
Ուրախ եմ, որ Հայաստանի ազգային հավաքականը նրա նման մեծ մարզիչ է գլխավորում»,- ասել է Հովիկ Կեուչկերյանը:
Խոակին Կապառոսն իր հերթին նշել է, որ շատ հաճելի է հանդիպել այսպիսի հիանալի դերասանի հետ և որ իր ընտանիքի անդամները, իմանալով Կեուչկերյանի հետ իր հանդիպման մասին, շատ են ուրախացել.
«Շատ հաճելի է հանդիպել այսպիսի հիանալի դերասանի հետ: Փաստորեն մենք միավորում ենք կինոյի և ֆուտբոլի արվեստները: Նա շատ հայտնի դերասան է, ինչպես Իսպանիայում, այնպես էլ Հայաստանում: Երբ ընտանիքիս անդամներին հայտնեցի, որ հանդիպելու եմ Հովիկի հետ, բոլորը շատ ուրախացան:
Չեք պատկերացնի, թե ինչպիսի հաջողություն ունի այս սերիալն Իսպանիայում: Ողջ աշխարհն է այն դիտում: Այսօր դրեցինք հետագա ամուր հարաբերությունների հիմքը: Վստահ եմ՝ սա մեր վերջին հանդիպումը չէ»,- ասել է Կապառոսն ու Հովիկին հանձնել Հայաստանի ազգային հավաքականի մարզաշապիկը՝ իր ազգանունով.
