ԱՄՆ-ի Նյու Ջերսի նահանգի Նյուարք քաղաքում մայիսի 10-ի գիշերը կայացել է խառը մենամարտերի UFC 328 մրցաշարը։ Գլխավոր իրադարձությունը միջին քաշային կարգում ԱՄԷ-ն ներկայացնող Խամզաթ Չիմաևի և ամերիկացի Շոն Սթրիքլենդի միջև տիտղոսային մենամարտն էր։
Հինգ ռաունդ տևած դիմակայությունն ավարտվել է ամերիկացի մարտիկի հաղթանակով։ Մրցավարների ոչ միաձայն որոշմամբ (48-47, 47-48, 48-47) Շոն Սթրիքլենդը հաղթանակ է տոնել և խլել չեմպիոնական գոտին։ Այս արդյունքով Խամզատ Չիմաևը կրել է իր պրոֆեսիոնալ կարիերայի առաջին պարտությունը։
Այժմ Չիմաևի ակտիվում կա 16 մենամարտ, որոնցից 15-ն ավարտվել է հաղթանակով, իսկ մեկը՝ պարտությամբ։ Սթրիքլենդն իր հաշվին գրանցել է կարիերայի 31-րդ հաղթանակը՝ ունենալով նաև 7 պարտություն։
Հիշեցնենք, որ նախորդ մենամարտում Չիմաևը մրցավարների միաձայն որոշմամբ հաղթել էր Դրիկուս դյու Պլեսիին՝ նվաճելով չեմպիոնի տիտղոսը, իսկ Սթրիքլենդը նոկաուտի էր ենթարկել Էնթոնի Էռնանդեսին։
Khamzat Chimaev cut 50 pounds and out here looking RIDICULOUS pic.twitter.com/2vjsMn3vCc
— Hater Report (@HaterReport) May 10, 2026
