«Բարսելոնայի» կիսապաշտպան Արթուր Ռամոսը կարող է շարունակել կարիերան Իտալիայում: Այդ մասին հայտնում է Mundodeportivo-ն։
Կատալոնական ակումբը հայտնել է, որ «Յուվենտուսին» թույլ է տվել բանակցություններ վարել Արտուրի հետ: «Բարսելոնան» վստահ է, որ իտալացի գրանդը մեծ գումար է վճարելու բրազիլացու համար:
Կատալոնացիները ներկայումս տնտեսական ծանր վիճակում են և կարծում են, որ այդ գործարքը շատ ձեռնտու է:
Ավելի վաղ նույն աղբյուրը գրել էր, որ «Բարսելոնան» և Թուրինի «Յուվենտուսը» կարող են նաև ֆուտբոլիստների փոխանակում իրականացնել։ Աղբյուրի փոխանցմամբ, «Բարսելոնան» արդեն բանակցություններ է վարում թուրինյան ակումբի հետ և պատրաստ է առաջարկել բրազիլացի Արտուր Ռամոսին՝ Միրալեմ Պյանիչի փոխարեն: Հաղորդվում է, որ «Յուվենտուսը» պատրաստ է բաց թողնել Պյանիչին, քանի որ բոսնիացին այնքան էլ լավ հարաբերությունների մեջ չէ թիմի գլխավոր մարզիչ Մաուրիցիո Սարիի հետ
