Չեմպիոնների լիգայի 2025/2026 մրցաշրջանի լիգայի փուլի 7-րդ տուրում գրանցվեց խոշոր անակնկալ։ Նորվեգական «Բուդյո-Գլիմտը» սեփական՝ «Ասպմյուրա» մարզադաշտում ընդունեց անգլիական գրանդ «Մանչեսթեր Սիթիին» և վստահ հաղթանակ տարավ 3:1 հաշվով։
Հանդիպման մեկնարկը շոկային էր հյուրերի համար։ Արդեն 22-րդ րոպեին Կասպեր Հյոգը բացեց հաշիվը, իսկ ընդամենը երկու րոպե անց հարձակվողը ձևակերպեց իր դուբլը՝ հաշիվը դարձնելով 2:0։
Երկրորդ խաղակեսում տանտերերը շարունակեցին ճնշումը։ 58-րդ րոպեին Յենս Պետեր Հաուգեն հաշիվը դարձրեց խոշոր։ «Սիթիին» հաջողվեց պատասխանել միայն մեկ անգամ. 60-րդ րոպեին աչքի ընկավ Ռայան Շերկին։
Անգլիական ակումբի՝ խաղը փրկելու հույսերը մարեցին 62-րդ րոպեին։ Թիմի առաջատար կիսապաշտպան Ռոդրին մեկ րոպեի ընթացքում երկու դեղին քարտ ստացավ և Սվեն Յաբլոնսկու կողմից հեռացվեց խաղադաշտից՝ թողնելով իր թիմին 10 հոգով։
Հիշեցնենք, որ Չեմպիոնների լիգայի ընթացիկ խաղարկության եզրափակիչը կայանալու է 2026 թվականի մայիսի 30-ին՝ Բուդապեշտի «Պուշկաշ Արենա» մարզադաշտում։
Տեսանյութը՝ ԱՅՍՏԵՂ
ՉԼ-ի մրցաշարային աղյուսակն այս պահին
