Չավին բացահայտել է Բարսելոնան գլխավորելու ընթացքում իր կատարած գլխավոր սխալը

«Բարսելոնայի» լեգենդար նախկին կիսապաշտպան և գլխավոր մարզիչ Չավին նշել է իր ամենամեծ սխալը, որը թույլ է տվել կատալոնական ակումբը մարզելիս։

Հիշեցնենք, որ կատալոնացիների նախկին կիսապաշտպանը թիմը գլխավորել է 2021-ից 2024 թվականներին՝ այդ ընթացքում նվաճելով Լա լիգայի տիտղոսը և Իսպանիայի Սուպերգավաթը։

«Երբ սկսեցի մարզչական կարիերաս ակումբում, ես բարձր չափանիշներ սահմանեցի խաղացողների համար, քանի որ թիմը դուրս էր գալիս ցածր սպասումների շրջանից։ Իմ սխալն այն էր, որ պահպանեցի այդ բարձր չափանիշները ընդամենը մեկ տարի», — մասնագետի խոսքերն է մեջբերում FC Barcelona News-ը։

Չավին խոստովանել է, որ տիտղոսների նվաճումից հետո խաղացողները իջեցրել են իրենց չափանիշները, ինչն անմիջապես ազդել է արդյունքների վրա։ Ի վերջո, նա ստիպված է եղել լքել թիմը, երբ ակումբը մնաց առանց տիտղոսի իր վերջին մրցաշրջանում։