«Բարսելոնան» կարող է գնել «Բավարիայի» հարձակվող Հարի Քեյնին 65 միլիոն եվրոյով, հաղորդում է sport.es-ը։
Աղբյուրի տվյալներով՝ 2026 թվականի ամռանը 32-ամյա անգլիացի ֆուտբոլիստի պայմանագրում կգործարկվի կետ, որը թույլ կտա նրան գնել 65 միլիոն եվրոյով։
Կատալոնացիները փնտրում են տարբերակներ՝ 37-ամյա հարձակվող Ռոբերտ Լևանդովսկուն փոխարինելու համար։
Քեյնի նկատմամբ հետաքրքրություն են ցուցաբերել նաև Սաուդյան Արաբիայի ակումբները։
Անգլիացու պայմանագիրը «Բավարիայի» հետ ուժի մեջ է մինչև 2027 թվականի ամառը։ Transfermarkt պորտալը նրա տրանսֆերային արժեքը գնահատում է 75 միլիոն եվրո։
Այս մրցաշրջանում հարձակվողը մյունխենյան ակումբի կազմում անցկացրել է 15 խաղ և խփել 22 գոլ բոլոր մրցաշարերում։
