«Արարատ-Արմենիայի» գլխավոր մարզիչ Վարդան Մինասյանը РБ Спорт-ին տված հարցազրույցում նշել է, որ Ռուսաստանը պետք է մասնակցի բոլոր միջազգային մրցաշարերին։ Նա ընդգծել է, որ եվրոպական ֆուտբոլը կորցնում է իր գույնն առանց Ռուսաստանի։
РБ Спорт-ը զրուցել է Հայաստանի հավաքականի նախկին գլխավոր մարզչի հետ և հարցրել՝ եթե անցկացվեր քվեարկություն Ռուսաստանի՝ ֆուտբոլային ընտանիք վերադարձի հարցով, ինչ դիրքորոշում կունենար Հայաստանի ֆուտբոլի ֆեդերացիան։
«Ներկայումս դժվար է սպորտը առանձնացնել քաղաքականությունից, դա արդեն ամբողջ աշխարհում այդպես է։ Ես չեմ կարող պատասխանել Հայաստանի ֆուտբոլի ֆեդերացիայի փոխարեն, բայց իմ անձնական կարծիքով՝ Ռուսաստանը պետք է ներկա լինի միջազգային բոլոր մրցաշարերում։ Եվրոպական ֆուտբոլը կորցնելու բան ունի առանց Ռուսաստանի, որովհետև թե՛ հավաքականը, թե՛ ակումբները միշտ լավ մակարդակով են հանդես եկել այնտեղ։ Այնպես որ Ռուսաստանը պետք է այնտեղ լինի»,- նշել է Մինասյանը։
Նշենք, որ 2024 թվականին Ռուսաստանի հավաքականն անցկացրել է 5 ընկերական հանդիպում, որոնցում հաղթել է 26:0 ընդհանուր հաշվով։
