Մեծ ֆուտբոլ, մենք գալիս ենք․ ՄԼՍ-ը պատրաստվում է փոխել ձևաչափը

ՄԼՍ-ը քննարկում է օրացույցի փոփոխության հնարավորությունը՝ անցնելով «աշուն-գարուն» մրցաշարի ձևաչափի՝ ամառային և ձմեռային դադարներով:

Այս որոշումը կարող է կյանքի կոչվել արդեն 2026 թվականին՝ Ֆուտբոլի աշխարհի առաջնությունից հետո, որը տեղի է ունենալու Կանադայում, Մեքսիկայում և ԱՄՆ-ում: Լիգայի ղեկավարությունը կարծում է, որ նոր ձևաչափը թույլ կտա ավելի լավ ինտեգրվել համաշխարհային տրանսֆերային շուկայի մեջ, հաղորդում է The Athletic-ը:

ՄԼՍ-ի փոխնախագահ Նելսոն Ռոդրիգեսը շեշտեց, որ փոփոխությունների վրա աշխատանքը սկսվել է հունվարին՝ նշելով, որ գործընթացը բարդ է:

«Մենք շարունակում ենք հավաքել և վերլուծել տվյալները՝ քննարկելով տարբեր մոդելներ», — նշել է նա՝ հավելելով, որ նման հանդիպումներ անցկացվում են ակումբների սեփականատերերի և սպորտային տնօրենների մասնակցությամբ:

Ներկա պահին ՄԼՍ-ը անցկացնում է փետրվարից հոկտեմբեր, իսկ փլեյ-օֆֆը՝ նոյեմբերից դեկտեմբեր: Օրացույցի փոփոխությունները կարող են էականորեն ազդել ակումբների ռազմավարության և թիմերի նախապատրաստման վրա՝ ապագայի նոր մարտահրավերներին դիմակայելու համար։