Մադրիդի «Ռեալը» կուղարկի ակումբի ներկայացուցիչներին՝ գնահատելու Իսպանիայի հավաքականի երկու ֆուտբոլիստների ելույթները ՈւԵՖԱ-ի Ազգերի լիգայի առաջիկա խաղերում: Այս մասին հայտնում է իսպանական Relevo հրատարակությունը։
Աղբյուրի համաձայն՝ Մադրիդի «Ռեալը» ակտիվորեն ուսումնասիրում է «Տոտենհեմի» աջ պաշտպան Պեդրո Պորրոյի և «Ալ Նասրի» կենտրոնական պաշտպան Էմերիկ Լապորտի հետ պայմանագիր կնքելու հնարավորությունը։ Նշվում է, որ ֆուտբոլիստների գնահատման արդյունքների հիման վրա ակումբը որոշում կկայացնի ձմեռային տրանսֆերային պատուհանում նրանց տեղափոխության նպատակահարմարության հարցում:
Հիշեցնենք, որ «Ռեալը» խաչաձև կապանների պատռվածքի պատճառով կորցրել է բրազիլացի կենտրոնական պաշտպան Էդեր Միլիտաոյին, ինչպես նաև Դանիել Կարվախալին: Բացի այդ, Եվրոպայի չեմպիոնին փոխարինող Լուկաս Վասկեսը շարքից դուրս է եկել երեք շաբաթով։
Հիշեցնենք, որ ՈւԵՖԱ-ի Ազգերի լիգայի շրջանակում Լուիս դե լա Ֆուենտեի թիմը կհանդիպի Դանիայի ու Շվեյցարիայի հավաքականների հետ։ Խաղերը կանցկացվեն համապատասխանաբար նոյեմբերի 15-ին և 18-ին։
