Ձեր ուշադրությանն ենք ներկայացնում միջազգային մամուլում վերջերս շրջանառվող գլխավոր ֆուտբոլային ինսայդները, տրանսֆերային շշուկները։
✅ Մադրիդի «Ռեալը» ակտիվացրել է իր հետաքրքրությունը «Ալ-Նասրի» 30-ամյա կենտրոնական պաշտպան Այմերիկ Լապորտի նկատմամբ՝ Էդեր Միլիտաոյի ծանր վնասվածքի ֆոնին, որի պատճառով բրազիլացին բաց կթողնի մրցաշրջանի մնացած հատվածը: Այս մասին հայտնում է Football Espana-ն։ Աղբյուրի համաձայն՝ «սերուցքայինները» ցանկանում են, որ իսպանացի ֆուտբոլիստը խզի պայմանագիրը սաուդյան ակումբի հետ և ազատ գործակալի կարգավիճակով տեղափոխվի Մադրիդի «Ռեալ»։
✅ Fichajes. «Միլանը» հետաքրքրված է «Մանչեսթեր Յունայթեդի» պաշտպան Վիկտոր Լինդելոֆի ծառայություններով։
✅ Գերմանացի կենտրոնական պաշտպան Ջոնաթան Տան իր վերջին մրցաշրջանն է անցկացնում Լևերկուզենի «Բայերի» կազմում: Նրա պայմանագիրն ավարտվում է 2025 թվականի ամռանը, և նա կարող է տեղափոխվել Իսպանիա։ AS-ի տեղեկություններով՝ գերմանացի պաշտպանի թեկնածությունը դիտարկվում է Մադրիդի «Ռեալի» ղեկավարության կողմից։ Ավելին, թիմի կազմում վնասվածքների ֆոնին Տան կարող է Իսպանիա տեղափոխվել արդեն հունվարին։ Ի դեպ, Մադրիդի «Ռեալի» նախկին կիսապաշտպան Գուտին կարծում է, որ ակումբը պետք է լրջորեն դիտարկի Սերխիո Ռամոսի հետ պայմանագիր կնքելու հնարավորությունը, ով կարող է արագ և արդյունավետ լուծում տալ պաշտպանությունում առկա խնդիրներին։ Սակայն, ըստ AS-ի, այս տարբերակը չի դիտարկվում։
✅ Ինչպես հայտնում է El Nacional-ը, «Բարսելնայի» լեհ հարձակվող Ռոբերտ Լևանդովսկին առաջարկներ ունի Սաուդյան Արաբիայի և MLS-ի ակումբներից։ Նշվում է, որ կատալոնական ակումբն արդեն դիտարկում է նոր ֆուտբոլիստների՝ Ռոբերտին փոխարինելու համար։ Իր հերթին Diario Sport-ը հայտնում է, որ Լևանդովսկին մտադիր է նոր պայմանագիր կնքել կատալոնական ակումբի հետ։ Աղբյուրի փոխանցմամբ՝ հանուն նոր պայմանագրի, ֆուտբոլիստը պատրաստ է գնալ աշխատավարձի կրճատման։
✅ Հաջորդ ամառ Ջոնաթան Տան ձեռք կբերի ազատ գործակալի կարգավիճակ, քանի որ պաշտպանը չի պատրաստվում երկարաձգել պայմանագիրը Լևերկուզենի «Բայերի» հետ։ Ակնհայտ է, որ տրանսֆերային շուկայում լուրջ պայքար է սկսվելու ֆուտբոլիստին ձեռք բերելու համար։ Ըստ Fichajes-ի՝ Տայի հետ արդեն կապ են հաստատել «Բարսելոնան» և «Մանչեսթեր Յունայթեդը»: Կատալոնացիներն ու մանկունիացիները քննարկել են ֆուտբոլիստի հնարավոր տեղափոխությունը։
✅ Մյունխենի «Բավարիայի» պաշտպան Ալֆոնսո Դեյվիսը կարող է կարիերան շարունակել «Մանչեսթեր Յունայթեդում» կամ «Բարսելոնայում»: Ըստ Bild-ի՝ «Բարսելոնայի» գլխավոր մարզիչ Հանս-Դիտեր Ֆլիկը ակումբի նախագահ Ժոան Լապորտային խնդրել է բոլոր ջանքերը գործադրել կանադացի պաշտպանի հետ պայմանագիր կնքելու համար, ով դեռ չի երկարաձգել աշխատանքային պայմանագիրը «Բավարիայի» հետ։ Ավելի վաղ արդեն հայտնել էինք, որ ՄՅՈւ-ն ևս հետաքրքրված է ֆուտբոլիստի ծառայություններով։
✅ «Մանչեսթեր Սիթին», «Տոտենհեմը» և «Ռեալը» հետաքրքրված են հոլանդացի կիսապաշտպան Տիջանի Ռեյնդերսի ծառայություններով, ով հանդես է գալիս Միլանի» կազմում: Այդ մասին հայտնում է Calciomercato-ն։
✅ Տեղեկություններ են հայտնվել «Բայերի» իսպանացի պաշտպան Ալեխանդրո Գրիմալդոյի ապագայի մասին։ Ինչպես հայտնում է EL Nacional-ը, 29-ամյա իսպանացի ֆուտբոլիստը ցանկանում է վերադառնալ «Բարսելոնա», որտեղից հեռացել է 2016 թվականին: Գրիմալդոն կատալոնական ակումբի սան է։
✅ Գերմանացի պաշտպան Մատս Հումելսը կարող է հեռանալ «Ռոմայից»: 35-ամյա ֆուտբոլիստը հռոմեական ակումբին է միացել սեպտեմբերին, սակայն խաղային պրակտիկա չի ստանում։ Ինչպես հայտնում է Corriere dello Sport-ը, գերմանացին լրջորեն մտածում է ձմեռային տրանսֆերային պատուհանի ժամանակ թիմը փոխելու մասին։ Մատսի ծառայություններով հետաքրքրված են Բունդեսլիգայի մի քանի ակումբներ։
Շարքի նախորդ նյութերը․
➡️ Ռեալի նախկին ֆուտբոլիստը՝ ԱՊԼ-ո՞ւմ, ՄՅՈւ-ն մեծ շոփինգ է նախատեսում․ Տրանսֆերային անցուդարձ
➡️ Բարսայի ֆուտբոլիստները կտեղափոխվե՞ն ԱՊԼ, ՄՅՈՒ-ն կփորձի խառնել Ռեալի ծրագրերը․ Տրանսֆերային անցուդարձ
