NICE, FRANCE - OCTOBER 8: Goalkeeper of Armenia Gevorg Kasparov (R) gestures during the international friendly match between France and Armenia at Allianz Riviera stadium on October 8, 2015 in Nice, France. (Photo by Jean Catuffe/Getty Images)
UFC-ի չեմպիոն Խաբիբ Նուրմագոմեդովը Instagram-ում հայտարարություն է տարածել՝ հաստատելով, որ ամերիկացի Թոնի Ֆերգյուսոնի հետ մենամարտը չեղարկվում է: Մենամարտը պետք է կայանար 2020 թվականի ապրիլի 18-ին UFC 249-ի մրցաշարի շրջանակում: Ավելի վաղ հաղորդվում էր, որ Խաբիբը չի կարողանում Ռուսաստանից մեկնել ԱՄՆ՝ կարանտինի պատճառով:
«Տանն եմ՝ կարանտինում, և հաշվում եմ իմ շրջապատի մարդկանց արձագանքն իմ մենամարտին: Ստացվում է՝ ամբողջ աշխարհը պետք է կարանտինի մեջ լինի, բոլոր երկրների իշխանություններն ու ամբողջ աշխարհի հայտնի մարդիկ կոչ են անում պահպանել անվտանգության կանոնները, որպեսզի սահմանափակեն հիվանդության տարածումը՝ մարդկանց փրկելու համար, իսկ Խաբիը ազատված է այս բոլոր պարտավորություններից և պետք է կամքի ազատություն դրսևորի ու մարզվի ՝ թռչելով ամբողջ աշխարհով և կյանքը վտանգի ենթարկելով հանուն մենամարտի՞:
Ամեն ինչ հասկանում եմ և հաստատ ձեզնից քիչ չեմ վշտացած մենամարտի չեղարկման պատճառով: Հավանաբար, ես, ինչպես բոլորը, շատ պլաններ ունեի մենամարտից հետո, բայց ես չեմ կարող վերահսկել այս ամբողջ իրավիճակը:
Գերտերություններն ու խոշորագույն ընկերությունները շոկի մեջ են նրանից, ինչ տեղի է ունենում, ամեն օր իրավիճակն անկանխատեսելիորեն փոխվում է, բայց Խաբիբը, միևնույն է, պետք է մենամարտի, այդպե՞ս է ստացվում: Լավ նայեք ձեզ ու Ձեզ իմ տեղում պատկերացրեք»,- գրել է Խաբիբը: