Մադրիդի «Ատլետիկոյի» գլխավոր մարզիչ Դիեգո Սիմեոնեն մեկնաբանել է Չեմպիոնների լիգայի խմբային փուլի 3-րդ տուրի խաղում «Սելթիկի» հետ ոչ-ոքին (2:2).
«Ես շատ գոհ եմ թիմի ցուցադրած խաղից. Երկրորդ խաղակեսում մենք խաղում էինք հաղթելու համար։ Առաջին խաղակեսում նրանք ավելի լավ տեսք ունեին և գոլեր խփեցին առաջին երկու հարվածներով, ուստի մենք այլևս չէինք կարող խաղալ այնպես, ինչպես ցանկանում էինք: Ընդմիջմանը ասացինք, որ պետք է համարձակ խաղալ, առաջ գնալ, հնարավորություններ ստեղծել։ Եվ մենք դա արեցինք։ Այս կեցվածքով կարող էինք հաղթել այս խաղում։ Բայց ես երջանիկ եմ հեռանում այս մարզադաշտից»,- Սիմեոնեի խոսքերն է մեջբերում ՈւԵՖԱ-ի մամուլի ծառայությունը։
«Ատլետիկոն» ունի 5 միավոր և E խմբում 2-րդ տեղում է: «Սելթիկը» չորրորդն է (1 միավոր):
