Հայաստանի հավաքականի նախկին ֆուտբոլիստ Մարկոս Պիզելին Metaratings.ru-ին տված հարցազրույցում անդրադարձել է մի քանի հարցերի:
Ռուսաստանում ապրելու և հարմարվելու մասին
— Դուք ապրում էիք Ռուսաստանի ամենատաք ու ջերմ հատվածում: Իսկ ինչպե՞ս էիք դիմադրում ցուրտ քաղաքներ կատարած ուղևորություներին։
-Հիշում եմ իմ առաջին արտագնա հանդիպումը Ռուսաստանում, դա 2012 թվականի մարտին էր՝ Սանկտ Պետերբուրգում։ Ես նստած էի պահեստայինների նստարանին, շատ էի մրսում։ Ակնհայտ էր, որ տղաների համար դժվար էր ֆուտբոլ խաղալը։ Բայց Հայաստանում ես արդեն խաղադաշտում ձյուն տեսել էի, ուստի սա առաջին նման դեպքը չէր իմ կարիերայում։
– Ռուսաստանում շատերը ձմռանը տաքանում են ռուսական օղիով։ Փորձե՞լ եք:
— Հահա. Ոչ, ես չեմ փորձել:
-Իսկ ինչի՞ց էիք ամենից շատ վախենում Ռուսաստանում։
-Մեքենա վարելուց: Մարդիկ խելագարի պես շատ արագ էին վարում, ոչ մեկից չեն վախենում, հարգանք չկա։ Հայաստանում սա նույնպես խնդիր է, բայց ոչ այն չափով, ինչ Կրասնոդարում։ Նման բան չկար, որ ես ուղղակիորեն վախենայի, բայց շատ զարմացա, երբ տեսա այդպես մեքենա վարել:
-Ռուսաստանում Կրասնոդարը ձեզ համար դարձել էր գլխավոր քաղաքը։ Բայց Օզբիլիսը, ում հետ խաղում էիք «Կուբանում», գնաց «Սպարտակ»: Մոսկովյան ակումբներից առաջարկներ ունեի՞ք։
— Պետրեսկուն ցանկանում էր ինձ հետ պայմանագիր կնքել, երբ տեղափոխվեց «Դինամո», բայց չստացվեց: «Կուբանը» այն ժամանակ ինձ բաց չթողեց, բայց ես դեմ չէի լինի նման տեղափոխությանը։
— Եվրոպայից առաջարկ ունեի՞ք: Եթե այո, ապա ի՞նչը խանգարեց տեղափոխությանը:
-Երբ ես խաղում էի Երևանի «Արարատում» և սկսեցի հանդես գալ Հայաստանի հավաքականում, երկրորդ Բունդեսլիգայից կոնկրետ առաջարկ է եղել իմ տրանսֆերի շուրջ։ «Արարատը» ինձ բաց չթողեց, որովհետև չէին ինձ համար բավականաչափ վճարել: Բայց ինձ ոչ ոք չասաց այս հետաքրքրության մասին, այդ ժամանակ ես չգիտեի այդ մասին։ Իհարկե, շատ կցանկանայի ուժերս փորձել Գերմանիայում, բայց «Արարատն» այդպես որոշեց։
