«Չելսիի» գլխավոր մարզիչ Ֆրենկ Լեմպարդը Անգլիայի առաջնության 34-րդ տուրի հանդիպման նախօրեին, որում իր թիմը լոնդոնյան դերբիում կխաղա «Արսենալի» հետ, կիսվել է Պրեմիեր լիգայի չեմպիոնական մրցավազքի մասին իր կարծիքով։
««Արսենալը» դեռևս ձգտում է հաղթել Պրեմիեր լիգան։ Այն ֆանտաստիկ թիմ է, նրանք հիանալի մրցաշրջան են անցկացնում: Եթե մի փոքր սայթաքել են, ապա հետագայում կարող են որակապես արձագանքել։
«Արսենալը» դեռ տիտղոսի համար պայքարո՞ւմ է: Նրանք միանշանակ մնում են չեմպիոնական մրցավազքում՝ չնայած բավականաչափ խաղերին, որոնք որոշակի ռիսկ են պարունակում:
«Մանչեսթեր Սիթին» անհավանական մարզավիճակ է ցուցադրել, և մենք մեծ հարգանքով ենք վերաբերվում դրան: Այնուամենայնիվ, մենք պետք է հարգենք նաև այն, ինչին «Արսենալը» հասել է այս տարի։ Այս թիմը դեռ կհավատա և կպայքարի մինչև վերջ։ Եվ դա ճիշտ է»,- Լեմպարդի խոսքերը մեջբերել է Sky Sports-ը:
ԱՊԼ 34-րդ տուրի «Արսենալ»-«Չելսի» հանդիպումը կկայանա երեքշաբթի՝ մայիսի 2-ին, «Էմիրեյթս» մարզադաշտում։ Խաղը կմեկնարկի Երևանի ժամանակով 23:00-ին:
