«Grand Slam»-ի մրցաշարերի հնգակի հաղթող, աշխարհի նախկին առաջին ռակետ, ռուս թենիսիստուհի Մարիա Շարապովան որոշել է ավարտել կարիերան:
«Ինչպե՞ս կարող ես թողնել այն միակ կյանքը, որը դու գիտես: Ինչպե՞ս կարող եմ հեռանալ այն կորտերից, որտեղ ես զբաղվել եմ մանկուց, այն խաղից, որը դու սիրում ես: Խաղ, որը բերեց ձեզ արցունքներ և ուրախություն: Սպորտ, որում գտել եք ընտանիք և երկրպագուներ, ովքեր ձեզ երկրպագել են ավելի քան 28 տարի: Սա ինձ համար նորություն է, ուստի խնդրում եմ ներեք ինձ: Թենի՛ս, ես Քեզ ասում եմ մինչ նոր հանդիպում», — գրել է Շարապովան Vanity Fair-ի կայքում:
Մարիա Շարապովան թենիսի պատմության ամենավառ ներկայացուցիչներից մեկն է, աշխարհի մարզուհիների մեջ առաջատարներից մեկը ըստ գովազդային վաստակած գումարների, Ռուսաստանի Սպորտի Վաստակավոր Վարպետ։
32-ամյա թենիսիտուհու նվաճումները
🥎Մեծ Սաղավարտի մրցաշարերի մենախաղի հնգակի հաղթող։
🥎WTA 38 մրցաշարերի հաղթող (35-ը մենախաղում)։
🥎WTA Ամփոփիչ մրցաշարի հաղթող (2004) մենախաղում։
🥎Ֆեդերացիայի գավաթի մրցաշարի հաղթող (2008) և եզրափակիչի մասնակից (2015)։
🥎2012 թվականի Օլիմպիական խաղերի մենախաղի մրցաշարի արծաթե մեդալակիր։
🥎Մեծ Սաղավարտի պատանեկական երկու մրցաշարերի եզրափակիչի մասնակից (Ավստրալիայի բաց առաջնություն, Ուիմբլդոն-2002) մենախաղում։
🥎Թենիսի պատմության մեջ Ավստրալիայի բաց առաջնության պատանեկական մրցաշարի եզրափակիչի ամենաերիտասարդ մասնակիցը (14 տարեկան 9 ամսական)։
Իր կարիերայի ընթացքում Մարիան ստացել է երկու տասնյակից ավել անհատական մրցանակներ։
