Պեպ Գվարդիոլան խոսել է Մադրիդի «Ռեալի» նկատմամբ 4-3 հաշվով տարած հաղթանակի մասին.
«Բոլորը զվարճացան, մենք ցանկանում էինք հաղթել խոշոր հաշվով, բայց 4:3-ը վատ արդյունք չէ: Մենք կգնանք Մադրիդ՝ խաղալու մեր խաղը։ Սա Մադրիդի «Ռեալն» է, նրանք հիանալի են գործում հարձակման ժամանակ։
Երբ մարզիչը տեսնում է, որ իր թիմն այսպես է խաղում, արդյունքն ամենակարևորը չէ, նույնիսկ եթե դա Չեմպիոնների լիգայի կիսաեզրափակիչն է:
Դուք զվարճացա՞ք: Չնայած 8:0 հաշիվն ավելի լավ կլիներ։ Յուպիտերի և Մարսի վրա դա կարող է տեղի ունենալ, բայց Մադրիդի «Ռեալի» դեմ դա սովորաբար չի լինում»,- մեջբերում է «Մանչեսթեր Սիթիի» մարզչին լրագրող Ալֆրեդո Պեդուլան։
